زانی اور زانیہ کے بچوں کا آپس میں نکاح ہو سکتا ہے کیا؟

الجواب بعون الملک العزیز الوہاب: زنا کرنا، ناجائز و حرام ، جہنم میں لے جانے والا کام ہے- اس کی شدید مذمت قران و حدیث میں بیان ہوئی ہے- اس برے فعل سے بچنا ہر مسلمان پر لازم و ضروری ہے،لہذا پوچھی گئی صورت میں زید اور ہندہ دونوں پر شرعاً لازم ہے کہ اس گناہ سے سچے دل سے اللہ عزوجل کی بارگاہ میں توبہ کریں اور آئندہ اس گناہ سے باز رہیں،البتہ وہ مرد و عورت جنہوں نے باہم زنا کیا،تو ان کی وہ اولاد جو کسی اور سے ہے جیسے مرد کی اپنی بیوی سے اور عورت کی اپنے شوہر سے ان کا آپس میں نکاح ہو سکتا ہے جبکہ حرمت کی کوئی اور وجہ نہ ہو ۔
جیسا کہ بحر الرائق میں ہے ۔ "یحل لاصول الزانی وفروعہ اصول المزنی بہا وفروعا" یعنی زانی کے اصول و فروع کے لیے زانیہ کے اصول و فروع حلال ہیں۔( بحر الرائق؛کتاب النکاح،ج،3،ص،108،دار الکتاب الاسلامی،بیروت )

لہذا صورۃ مسؤلہ میں زید کی بیٹی کا نکاح ہندہ کے اس بیٹے سے جائز ہے جو اس کے اپنے شوہر سے ہے، جبکہ کوئی اور وجہ حرمت کی نہ ہو ۔ واللہ اعلم بالصواب


کتبہ۔۔۔✍️
توحید احمد خاں رضوی
خاتم التدریس جامعہ تحسینیہ ضیاء العلوم بریلی شریف
تاریخ 19 جمادی الثانی 1446 ہجری